१४औं कपिलवस्तु डान्स आइडल : टुंगो लाग्यो स्टेज चढ्ने १५ प्रतिस्पर्धीको नाम


पालिका पत्र

१५ मंसिर २०८२, आईतवार ०६:५३ मा प्रकाशित

१६औं कपिलवस्तु महोत्सवको मुख्य आकर्षकका रूपमा रहेको १४ औं कपिलवस्तु डान्स आइडलतर्फ १५ जना प्रतिस्पर्धीले स्टेजमा प्रतिस्पर्धा गर्ने भएका छन् ।

आज शनिबार सम्पन्न फाइनल अडिसनबाट स्टेज चढ्ने १५ जनाको नाम छनोट गरिएको डान्स आइडलका संयोजक पदम सेनले वैखरीलाई जानकारी दिनुभयो। उहाँका अनुसार एक सय बढी प्रतिस्पर्धीमध्येबाट चरणबद्ध अडिसन हुँदै ३२ जनालाई फाइनल अडिसनका लागि छनोट गरिएको थियो।

फाइनल अडिसनबाट ओजस्वी क्षेत्री, सचिन परियार, कविता खत्री, नेन्सी गुरुङ, दिक्षिता केसी, रन्जिता क्षेत्री, गिताञ्जली मगर, निर्जला जिसी, समृद्धि पन्त, अपराजिता घिमिरे, अर्पिता पोख्रेल, सुदिप्ति न्यौपाने, खुसी थारु, क्यारोल थापा र नन्दिता राना छनोट भएका छन्।

डान्स आईडलका निर्णायक संयोजक हरिशरण रिजालले अडिसन अत्यन्त प्रतिस्पर्धात्मक र स्तरयुक्त रहेको बताउनुभयो।

उहाँले यसपटकको डान्स आइडलमा प्रतिभा असाधारण रूपमा देखिएको बताउँदै १५ जनाको छनोट निकै कठिन भएको बताउनुभयो ।

उत्कृष्ट नृत्य क्षमता, प्रस्तुतीकरणका आधारमा स्टेजका लागि फाइनलिस्ट तय गरेको उहाँले बताउनुभयो

उहाँले स्टेज प्रतिस्पर्धा अझ आकर्षक र प्रतिस्पर्धात्मक हुने विश्वास व्यक्त गर्नुभयो।

१४ ओै कपिलवस्तु डान्स आइडलको उपाधि जित्नेले रु। १ लाख ३१ हजार १३१ नगद र चादीको टोपी, द्वितिय हुनेले रु। ८१ हजार १८१, तृतिय हुनेले रु।६१ हजार १६१ नगद र सान्तवना पुरस्कार ३१ हजार १ सय ३१ रुप्रयाँ प्राप्त गर्ने छन् ।

साथै उत्कृष्ट ४ जनालाई राष्ट्रिय स्तरको म्युजिक भिडियोमा खेल्ने अवसर दिइने छ ।

बाणगंगा वेलफेयर सोसाइटीको आयोजनामा मंसिर १८ गतेदेखि पुष १ गतेसम्म १६औं कपिलवस्तु महोत्सव एवम् कृषि, पर्यटन तथा औद्योगिक प्रदर्शनी हुदैंछ ।

महोत्सव बाणगंगा नगरपालिकाको चार नम्बर जीतपुर स्थित बुद्धरंगशालामा आयोजना गरिनेछ।

प्रतिक्रिया दिनुहोस्