मंसिर १९, २०८२ शुक्रबार
बाणगंगा । कपिलवस्तुको बाणगंगास्थित बुद्ध रंगशालामा आज मंसिर १८ गतेदेखि सुरु भएको १६औँ कपिलवस्तु महोत्सव, कृषि–पर्यटन तथा औद्योगिक प्रदर्शनी आगामी पुस १ गतेसम्म विभिन्न आकर्षक कार्यक्रमसहित जारी रहने छ ।
आज महोत्सवको मंसिर १९ गते, शुक्रबारका राष्ट्रिय कलाकारहरू रमेश राज भट्टराई, दिपक दर्लामी मगर र विष्णु मगरले बेजोड प्रस्तुति दिनेछन्। उनीहरूसँगै स्थानीय कलाकारहरुको पनि बेजोड प्रस्तुति रहने महोत्सवका निर्देशक बुद्धि बहादुर रोकाहाले जानकारी दिए ।
महोत्सवमा विशेषगरी सोनो सिटी (हिउँमा खेल्ने अनुभूति), जलपरि, १४औँ कपिलवस्तु डान्स आइडल, सुनामी पिङ्ग, बाल उद्यान, मम्मी डान्स लगायतका आकर्षणले सबै उमेरका दर्शकलाई लोभ्याउने अपेक्षा गरिएको छ।
यस वर्षको महोत्सवलाई अझ व्यवस्थित, मनोरञ्जनपूर्ण र सहभागितामूलक बनाउन विशेष तयारी गरिएको छ। “राष्ट्रिय तथा स्थानीय कलाकारको प्रस्तुति, नयाँ–नयाँ आकर्षण र विविध प्रदर्शनमार्फत महोत्सवलाई अझ आकर्षक बनाउन हामी प्रतिबद्ध छौँ रोकाहाले भने ।
स्थानीय उत्पादनदेखि आधुनिक मनोरञ्जनसम्म एउटै स्थलमा पाउन सकिने भएकाले महोत्सवमा दैनिक रुपमा दर्शकको बाक्लो उपस्थिति रहने आयोजकले जनाएका छन् । कपिलवस्तुको बाणगंगा बुद्ध रंगशालामा हुने महोत्सवलाई विशेष रुपमा लिने गरिन्छ ।