पालिका पत्र, बुटवल ।
लायन्स क्लब अफ बुटवल देउराली पिसको आयोजनामा मंगलबार शंकरनगरमा रक्तदान सम्पन्न भएको छ । बिग चेयर रिसोर्टमा भएको रक्तदानमा क्लबका पदाधिकारी, सदस्य लगायत ३० जनाले रक्तदान गरेका छन् । कार्यक्रमको उद्घाटन गर्दै लायन्स इन्टरनेसनल डिस्ट्रिक्ट ३२५ बी २ नेपालका पुर्व गभर्नर महेन्द्रनारायण श्रेष्ठ, एरिया ४ का चिफ जीवन गौतम, लायन्स क्लब बुटवल देउरालीका अध्यक्ष एवं एक्सटेन्सन चेयर पर्सन ज्ञानप्रसाद पौडेलले रक्तदान जस्तो सामाजिक र मानवीय धर्म अरु नहुने धारणा राखेका थिए । कार्यक्रम लायन्स क्लब अफ बुटवल देउराली पिसका अध्यक्ष भाष्कर पाण्डेको अध्यक्षता, प्रथम उपाध्यक्ष सागर न्यौपानेको स्वागत, सन्जय रानाको सञ्चालन र तुलसी न्यौपानेको धन्यवाद ज्ञापनमा सम्पन्न भएको थियो ।