कपिलवस्तुको मायादेवीमा काँग्रेस बिजयी

पालिकापत्र,मायादेवी । कपिलवस्तुको मायादेवी गाउँपालिकामा नेपालि काँग्रेस पार्टीका अध्यक्ष र उपाध्यक्ष उम्मेदवारले चुनाव जितेका छन । काँग्रेसबाट गाउँपालिकाका अध्यक्षका उम्मेदवार वलिउद्दिन मुसलमानले ५ हजार २ सय ७८ मत प्राप्त गरि चुनाव जिते । उनका प्रतिश्पर्धि जनता समाजवादी पार्टी (जसपा) का उम्मेदवार बजरंगी प्रसाद कुर्मीले ४ हजार ८ सय ८० मत प्राप्त गरे । कुर्मिले २०७४ को स्थानीय तह निर्वाचनमा गाउँपालिका अध्यक्ष जितेका थिए ।
त्यसै गरि उपाध्यक्षमा काँग्रेसकी सरस्वती यादवले ५ हजार ३७ मत ल्याई चुनाव जितिन । उनकी प्रतिश्पर्धि जसपाकी रश्मीसुधा त्रिपाठीले ४ हजार ५ सय ७८ मत प्राप्त गरीन । मायादेवी गाउँपालिकामा काँग्रेसले अध्यक्ष र उपाध्यक्ष सहित १ वटा वडा जितेको छ । ८ वटा वडा रहेको गाउँपालिकामा जनता समाजवादीले ४ वटा र नेकपा माओवादी केन्द्रका उम्मेदवारले ३ वडा जितेका छन ।