बाणगङ्गा, माघ २६ ।
कपिलवस्तु उद्योग वाणिज्य संघको निर्वाचन भोलि शनिवार हुने भएको छ । निर्वाचन कार्यतालिका अनुसार भोलि मतदान हुने निर्वाचन समितिले जनाएको छ । भोट हाल्नका लागि मतदाताले आफ्नो परिचय खुल्ने नागरिकता, मतदाता परिचय, लाइसेन्स वा बलियो व्यवसायीको आधार कार्ड चाहिने जनाईएको छ ।
मतदानको लागि तयारी अन्तिम चरणमा पुगेको र भोलि ९ बजेबाट ४ बजेसम्म मतदान समय तोकिएको निर्वाचन समितिका संयोजक गुणनिधि भुसालले बताए ।
उद्योग वाणिज्य सङ्घमा २ हजार ८८ मतदाता मध्ये केही त्रुटि भएका हरूको फाइनल गर्न थालिएको र आचारसंहिताको काममा लागेको भुसालले बताउनुभयो । सङ्घमा ९० प्रतिशत मत खस्ने अनुमान गरिएको छ ।