कपिलवस्तु, मंसिर २ गते । दशगजा क्षेत्रमा नेपाल र भारतका सुरक्षाकर्मीहरुले संयुक्त रुपमा सरसफाइ गरेका छन् । कपिलवस्तु र सिद्धार्थनगरसँग जोडिएको चाकरचौडा बजार दशगजा तथा आसपास क्षेत्रमा सरसफाइ गरिएको हो ।
ईलाका प्रहरी कार्यालय चाकरचौडा, शसस्त्र सीमा सुरक्षा कार्यालय चाकरचौडा, भारतीय सीमा सुरक्षा बल एसएसबीहरु सरसफाई खटिएका थिए ।
सरसफाइमा कार्यक्रममा स्थानीय बजारका ब्यापारी र सुरक्षाकर्मीहरुको सहभागिता थियो । भारतीय सीमा नजिकै रहेको मायादेवी गाउँपालिका, ४ चाकरचौडा बजारमा सरसफाइ गरिएको थियो।
सीमामा रहेको बजारमा दुर्गन्ध बढ्दै गएपछि सरसफाई कार्यक्रमको आयोजना गरिएको ईलाका प्रहरी कार्यालय चाकरचौडाका वरिष्ठ प्रहरी नयाब निरीक्षक लक्ष्मण डाङगीले बताए।
उनले नेपाल र भारतबीचको सम्वन्धलाई प्रगाढ बनाउनका लागि विभिन्न गतिविधि हुँदै आएको बताउँदै सीमा क्षेत्रमा पनि यो सरसफाइ कार्यक्रम गर्दै आएको बताए ।