कपिलवस्तु, २६ जेठ ।
कपिलवस्तुको बाणगंगामा व्यवसायी युवा उत्पादनका लागि फेब्रीकेशन तथा वेल्डीङ्ग तालिम संचालनमा आएको छ । बैकल्पिक आय आर्जन अन्तर्गत युवा पुस्तालाई स्वरोजगार बनाउन तालिम संचालनमा आएको हो ।
युवा स्वरोजगार,व्यवसायी समृद्धि, पवद्र्धन हाम्रो अभियान भन्ने नाराका साथ होटल तथा पर्यटन व्यवसायी संघ कपिलवस्तुले निः शुल्क फेब्रीकेशन तथा वेल्डीङ्ग तालिम संचालन गरेको हो ।
तालिमको समुद्धघाटन गर्दै वाणंगगा नगरपालिकाका नगर उप–प्रमुख रिता कुमारी थारुले तालिमबाट सिकेको सिप व्यवहारमा प्रयोग गर्न आग्रह गर्दै युवाहरुलाई स्वरोजगार बनाउन नगर सधैं प्रतिबद्ध रहेको बताईन । उप–प्रमुख थारुले तालिम तालिमको लागि मात्रै नभएर सिकेको सिप व्यवसायीक र आर्यआर्जन तर्फ जोड्न आग्रह गरिन। उप–प्रमुख थारुले भनिन् ‘फेब्रीकेशन तथा वेल्डीङ्ग तालिमले व्यवसायी युवा उत्पादन गर्नेछ’ ।
यस्तै बाणगंगा नगपालिकाका प्रमुख प्रशासकिय अधिकृत खिमानन्द भुसालले तालिम लिएपछि तुरुन्त आय आर्जनमा लाग्न सहभागीलाई आग्रह गरे । बाणगंगा नगरपालिकाको मुख्य उदेश्य बैदेशिक रोजगारमा जाने युवाहरुलाई स्वदेशमै रोजगारी सृजना गर्नु भएकाले शिपमुलक तालिमको आयोजना गरिएको उनले बताए । उनले शिप सिक्नासाथ रोजगारीमा जोडिन पनि सुझाए ।
कार्यक्रमका अध्यक्ष समेत रहेका होटल तथा पर्यटन व्यवसायी संघ कपिलवस्तुका अध्यक्ष रविन्द्र पौडेलले आफुले वैदेशिक रोजगारमा जादाँ हन्डर खाएको सुनाउदै तालिम लिएर देशमै केहि गर्न युवाहरु लाग्नु पर्ने बताए । पौडेलले युवाहरुले क्षणिक समय विदेश बस्नु भन्दा देशमै केहि गर्ने जाँगर चलाउनुपर्नेमा जोड दिए ।
विहिवारबाट बाणगंगाको चप्परगाँउमा सुरु भएको तालिम १ हप्ता सम्म चल्ने छ । होटल तथा पर्यटन व्यवसायी संघ कपिलवस्तुको आयोजना तथा वाणगंगा नगरपालिको आर्थिक सहयोगमा तालिम संचालन भएको हो ।