कपिलवस्तु , कार्तिक २५ गते । कपिलवस्तु प्रहरीले ठुलो मात्रामा पटकाजन्य पदार्थ बरामद गरेको छ । खुल्ला सिमानाको फाइदा उठाउँदै व्यापारीहरुले अवैध रुपमा पटकाजन्य पदार्थको आयात गरिरहँदा कपिलवस्तु प्रहरीले भने विशेष सक्रियता बढाएको छ ।
यसैबीच, चाडपर्व लक्षित चेकजाँचका क्रममा एकासाताका अवधिमा जिल्लाका बिभिन्न स्थानबाट प्रहरीले ४ लाख बढि मूल्यका पटकाजन्य पदार्थ बरामद गरेको हो ।
चाडपर्वका वेला जिल्लामा भित्रिएका अवैध र निषेध गरिएका पटकाजन्य पदार्थ नियन्त्रणमा लिइएको प्रहरी नायब उपरीक्षक मोहनमणि अधिकारीले बताए । बरामद गरिएका पटकाहरु ध्वनी तथा वातावरण प्रदुषण गर्ने ठूला बिष्फोटक पदार्थहरु रहेको बताइएको छ ।
अवैध रुपमा भित्रिएका पटकाजन्य पदार्थहरुको बिस्फोटबाट मानवीय तथा भौतिक क्षति समेत हुनेसक्ने तर्फ विशेष निगरानी बढाएको अधिकारीले बताए । बिभिन्न समयमा बरामद गरिएका उक्त पदार्थलाई आइतबार आफ्नै कार्यालय परिसरमा नष्ट समेत गरेको छ ।