![](https://i0.wp.com/palikapatra.com/wp-content/uploads/2021/05/Banganga-Nagarpalika.png?fit=787%2C561&ssl=1)
पालिका पत्र, जेठ २८ ।
अत्यधिक गर्मी बढेपछि बाणगंगा नगरपालिकाले थप ५ दिन विद्यालय विदा दिएको छ । मौसममा सुधार नदेखिएको भन्दै नगरपालिकाले असार १ गतेसम्म सम्पुर्ण विद्यालय बन्द रहने जनाएको हो ।
हाल कपिलवस्तुको अधिकतम तापक्रम ४३ डिग्री सेल्सीयस र न्यूनतम तापक्रम २७ डिग्री सेल्सीयस रहेको मौसम पुर्वानुमान महाशाखाले जनाएको छ । यो क्रम अझै केहिदिन रहने शाखाले जनाएको छ ।
बाणगंगा नगरपालिकाले गत जेठ २२ गतेदेखि २८ गतेसम्म विदा दिएको थियो । गर्मी झन बढ्दै गएपछि नगर शिक्षा समितिको आईतबारको बैठकले थप ५ दिन विद्यालय बन्द गर्ने निर्णय गरेको हो ।
अब नगरका सामुदायिक र संस्थागतसबै विद्यालयमा असार ३ गतेदेखि नियमित पठनपाठन सुरु हुने नगरपालिकाले जनाएको छ । पछिल्लो केही दिनदेखि बढ्दै गएको गर्मीको कारण जनजीवन कष्टकर बन्दै गएको छ ।
![](https://i0.wp.com/palikapatra.com/wp-content/uploads/2023/06/352799498_591191506446389_7481676849939369406_n-1-566x768.jpg?resize=720%2C977&ssl=1)