कपिलवस्तु – माओवादी केन्द्र निकट अखिल (क्रान्तिकारी) कपिलवस्तुको २१ औं जिल्ला सम्मेलनबाट मधुसुदन गन्धर्व अध्यक्षमा निर्वाचित भएका छन् । मंगलबार तौलिहवामा सम्पन्न सम्मेलनले संगठनलाई नयाँ ऊर्जा र दिशा दिनको लागि गन्धर्वको नेतृत्वलाई सर्वसम्मत रूपमा चयन गरेको हो ।
नयाँ कार्यसमितिको उपाध्यक्षमा पुस्पा न्यौपाने, सरिता बिक, र कमलेश पासवानमा चयन भएका छन् भने गोरखनाथ यादव सचिवको जिम्मेवारीमा रहेका छन् । सह-सचिवको रूपमा दिलिप कुमार चाई र कोषाध्यक्षमा रमिता सिंह सर्वसम्मत चयन भएका छन् ।
नवनिर्वाचित अध्यक्ष मधुसूदन गन्धर्वले संगठनको सिद्धान्त र उद्देश्यप्रति प्रतिबद्ध रहँदै समाजको हितका लागि थप सक्रिय भूमिका खेल्ने प्रतिबद्धता व्यक्त गरे। सम्मेलनले संगठनलाई थप सबल र सक्षम बनाउन नयाँ नेतृत्वलाई स्वागत गर्दै आगामी दिनमा थप ठोस कदम चाल्ने अपेक्षा राखेको छ ।
कपिलवस्तुका १० वटै पालिकाबाट प्रतिनिधित्व रहने गरि ४१ सदस्यीय नव कार्यसमिती चयन गरिएको अखिल क्रान्तिकारीका निवर्तमान अध्यक्ष हरिशचन्द्र खनालले जानकारी दिए ।
सम्मेलनको नेकपा (माओवादी केन्द्र) का केन्द्रीय सचिव चक्रपाणी खनाल (बलदेव) ले उद्घाटन गरेका थिए। जिल्ला सम्मेलनमा अखिल क्रान्तिकारीका लुम्बिनी प्रदेश इन्चार्ज सुर्य घर्तीमगर, केन्द्रीय सदस्य लगायतको उपस्थिति रहेको थियो।