बाणगंगा, मंसिर ३० ।
कपिलवस्तु उद्योग वाणिज्य संघद्वारा आयोजित १५औं कपिलवस्तु महोत्सवको १३औं दिन सोमबार चर्चित गायक शिव परियारको प्रस्तुति हुने भएको छ। महोत्सवका मनोरञ्जन तथा सांस्कृतिक कार्यक्रम संयोजक रामजी सेनका अनुसार स्थानीय कलाकारहरू पनि शिवसँगै प्रस्तुत हुनेछन्।
आइतबार गायक रमेशराज भट्टराई, लोकदोहोरी गायिका राधिका हमाल, गायक मिसन भुसाल, बालगायिका जिया भुसाल लगायतका कलाकारहरूले प्रस्तुति दिएका थिए। त्यसैगरी, १३औं कपिलवस्तु डान्स आइडलतर्फ ६ जना प्रतिस्पर्धीले प्रस्तुति राख्दा विनिता भुसाल बाहिरिएकी छिन्। उनलाई ससम्मान विदाई गरिएको आयोजकले जानकारी दिएको छ।
”सक्षम व्यवसायी, समुन्नत राष्ट्र र आत्मनिर्भर अर्थतन्त्र” भन्ने मूल नाराका साथ महोत्सव मंसिर २८ गतेबाट बाणगंगाको चारनम्बरस्थित बुद्धरंगशालामा सुरु भएको हो। कृषि, पर्यटन, र औद्योगिक प्रर्दशनीसहितको महोत्सव पुष २ गतेसम्म चल्नेछ।