![](https://i0.wp.com/palikapatra.com/wp-content/uploads/2023/11/396606561_846991860233810_3441591913878794699_n.jpg?fit=1920%2C1080&ssl=1)
मनोज थापा ।
कपिलवस्तुको बाणगंगा स्थित आवर विज्डम आवासीय मा.वि.मा मौलिक देउसी भैलो खेलिएको छ । सँस्कृतिको संरक्षण गर्ने उदेश्यका साथ मौलिक देउसी भैलो खेलिएको हो । विद्यालयमा हुने विभिन्न आतिरिक्त क्रियाकलाप अन्तगर्त देउसी भैलो आयोजना गरेको विद्यालयले जनाएको छ ।
![](https://i0.wp.com/palikapatra.com/wp-content/uploads/2023/11/385534673_573541864916007_8296830817282207391_n-768x409.jpg?resize=720%2C383&ssl=1)
नेपालिहरुको महान पर्व तिहार अर्थात दिपावलीको अवसर पारेर विद्यालयले कक्षागत देउसी भैलो प्रतियोगिता आयोजना गरेको थियो । कक्षा १ देखि १० सम्मका विद्यार्थी सहभागि भएको प्रतियोगितामा सँस्कृतिको संरक्षणमा दिपावलीको महत्वलाई देउसी तथा नृत्य मार्फत प्रस्तुत गरेका थिए ।
यस्तै कक्षागत देउसी भैलो कार्यक्रममा कक्षा १–४ बाट कक्षा १ का भाईबहिनीहरु प्रथम भएका छन् । यस्तै कक्षा ५–७ बाट कक्षा ७ का भाइबहिनीहरु प्रथम भए भने कक्षा ८–१० बाट कक्षा ९ का भाईबहिनीहरुले प्रथम स्थान हासिल गरेका छन् ।
![](https://i0.wp.com/palikapatra.com/wp-content/uploads/2023/11/368516722_255456384171005_3886919023434838930_n-768x552.jpg?resize=720%2C518&ssl=1)
प्रतियोगितामा शिक्षक केशव गाहा, तारा प्रसाद पाण्डे र शिक्षिका जमुना बेल्बासेले निर्णायकको भुमिकाममा रहनु भएको थियो । कार्यक्रम विद्यालयकी शिक्षिका कमला शर्माको अध्यक्षता र इसिए कोर्डिनेटर शंकर पौडेलको सञ्चालनमा प्रतियोगिता सम्पन्न भएको विद्यालयका शिक्षक मनोज थापाले जानकारी दिए ।
विद्यालयमा हुने यस्ता किसिमका प्रतियोगिताहरुले विद्यार्थीहरुमा लुकेर रहेका प्रतिभाहरुलाई बाहिर ल्याउन सहयोग गर्ने विद्यालयका प्रधानाध्यापक नरायण शर्माले बताउनु भयो ।
![](https://i0.wp.com/palikapatra.com/wp-content/uploads/2023/11/396606561_846991860233810_3441591913878794699_n-768x432.jpg?resize=720%2C405&ssl=1)